1. edizoa. 2023ko maiatzak 18 eta 19

Nazioarteko Biltzarra. Testuinguru eleanitzetan arloko alfabetatzea: ikerketa eta gelako praktika lotzen

 

 

 

Arloko alfabetatzea eskolatze hizkuntzen osagai nagusienetako bat da (Beacco et al., 2016). Eskolatze hizkuntzak eskolan erabiltzen diren hizkuntza aldaera guztiez gainera ikasketa planeko hizkuntzak barnebiltzen ditu. Diziplina edo arlo bakoitzak ezagutza modu jakin batean sortzen du, hori dela eta arloko hizkuntza diziplina bakoitzaren baitako arau eta ohituren araberakoa da (Shanahan eta Shanahan, 2008). Diziplinetatik ezartzen dira arloko jakintzak eraikitzeko eta komunikatzeko behar diren ezaugarri linguistikoak. Hezkuntza testuinguru eleanitzetan ikasle askoren eskolatze hizkuntza ez da euren etxeko hizkuntza eta, beraz, diziplinako edukiak eta hizkuntza integratzea kontuan hartu beharreko gaia da. Gainontzean, ikasle askoren alfabetatzea osatzeke gera daiteke.

Testuinguru horretan, biltzar honen helburua da testuinguru eleanitzetako arloko alfabetatzeari buruzko ikerketa-ebidentzia berriak ekartzea. Euren lan-jardunean zein garapen profesionalean irakasleek beharko dituzten ezagutzak hobeto ulertzeko ikerketak eskainiriko jakintza biltzea oso garrantzitsua da; horregatik, biltzar honetan bildu nahi ditugu esperientzia, jatorri edota hizkuntza desberdinetako irakasle zein ikerlariak.

---

Autoreentzat oharrak

Data garrantzitsuak:

• Proposamenak bidali: 2022ko azaroaren 1etik 30era
• Proposamenak bidaltzeko epearen luzapena: 2022ko abenduaren 16a
• Onarpen edota atzera botatze jakinarazpena: 2023ko urtarrilaren 31
• Aurretiazko izen-emate epea: 2023ko otsailaren 28a
• Izen-emate arrunta: 2023ko martxoaren 1etik aurrera

---

Finantziazioa

Kongresu hau Espainiako Gobernuko Zientzia, Berrikuntza eta Unibertsitate Ministerioak finantziatutako The potential of subject specific literacies to foster deeper learning in Secondary Education within the framework of Pluriliteracies Teaching for Learning (ALPHA) (PID2019-111655RA-I00) proiektuaren baitan kokatzen den egitasmoa da.

 

 

 

 

 

---

Hizlariak

 

 

 

 

---

Lanen bidalketa

Arloetako alfabetatzearen inguruko eremu berrietako ikerketen emaitzak aurkezteko aukera eskaini nahi diegu ikertzaile eta irakasleei. Komunikazioak edota posterrak aurkeztu ahalko dira deialdi honetara. Aurkezpenek 20 minutu iraungo dute eta ondoren 10 minutuko eztabaida egongo da. Proposamenetan argitaratu gabeko ikerketen emaitzak jasoko dira, oraindik komunitate zientifikoak eskuragai ez dituenak. Hauek dira proposamenetan jasotzea espero ditugun gaiak, besteak beste:

• Arloko alfabetatzea bigarren hezkuntzan eta goi mailako hezkuntzan
• Arloko alfabetatzea testuinguru eleanitzetan
• Ikaskuntza sakonagoa lortzeko Pluriliteracies ikuspegia
• Irakasleen prestakuntza eta arloko alfabetatzea
• Gelako praktikak
• Arloaren eta hizkuntzaren arteko integrazioa
• Konpetentzia eleanitz eta kulturartekoa
• Curriculumenko hizkuntza(k)
• Funtzio Kognitibo Diskurtsiboak

Partaide bakoitzak gehienez bi proposamen bidali ahalko ditu: biak koautoretzan edota bakarkako proposamen bata eta koautoretzan egindakoa bestea.

Proposamen guztiek ondoko baldintzak bete behar dituzte:

• Honako egitura izatea:
  • Izenburua
  • Egilea(k) (izen-abizenak, erakundea, posta elektronikoa)
  • Laburpena (gaia, helburua, metodologia, emaitzak eta ondorioak)
  • 3 - 5 hitz gako
  • Erreferentziak
• Ingelesez edota euskaraz idatzia egotea.
• 300 hitz baino gehiago ez izatea (bibliografia gabe).
• Biltzarreko email helbidera helaraztea: academic.literacies@mondragon.edu.

Aurrez aipaturiko gaien inguruan ikertzen ari diren ikertzaile eta profesional hasiberri zein eskarmentudunen ekarpenak jaso nahi genituzke. Laburpenak euskaraz zein ingelesez aurkeztu ahalko dira. Zuen laburpenak garaiz jasoko ditugulakoan, elkarrizketa eta eztabaida interesgarri eta emankorrak aurreikusten ditugu.

Edozein galdera edota zalantza izanez gero jarri lasai gurekin harremanetan biltzarreko harremanetarako helbidearen bidez: academic.literacies@mondragon.edu.

---

Venue

BBF - BILBAO BERRIKUNTZA FAKTORIA

• Address: Uribitarte Kalea, 6. 48001 Bibao, Bizkaia

---

Travelling to Bilbao

The Conference will take place in the BBF campus of Mondragon Unibertsitatea in Bilbao. The building is located in the center of Bilbao and is easily accessed walking from the train station or using the city buses or metros.

By train

The nearest train station is Abando-Indalecio Prieto, which connects Bilbao with other cities in Spain. Connections can be checked at Renfe’s website. The train station is just a five minute walk away from the conference site.

Bu bus

If you come by bus to Bilbao, your bus will probably leave you in the Bus Station (Intermodal), next to San Mamés (Bilbao’s football stadium). From there, there are several options to get to BBF.

• Metro: is located in the Bus Station, you would need to take L1 or L2 (to Basauri) and get off in Abando (3 stops from San Mamés/Intermodal).
• Bus: you can use the city bus (Bilbobus, the red buses) to get near to BBF: 77, 76, 72, 38
• Tram: you can take the tram to Atxuri in San Mamés, next to the Intermodal bus station, and get off in Abando (7 tram stops).

Flights

The easiest flight option is flying to Loiu, Bilbao’s airport, located to 12 km from the center. From the airport, you can get to Moyua (which is 5 minutes walking to BBF) or to the Bus Station (Intermodal) by bus by taking the 3247 line (3€). It runs every 20 minutes and takes approximately other 20 minutes to get to Bilbao.

 

Nola iritsi Bilbora?

Kongresua Mondragon Unibertsitateko Bilboko BBF campusean egingo da. Eraikina Bilboko zentroan dago, eta oso erraz iritsi daiteke BBFra oinez tren geltokitik, edo Bilbobusak edota metroak erabiliz.

TRENEZ ETORTZEKO

Tren geltokirik gertuena Abando-Indalecio Prieto da. Tren-konexioak Renferen webgunean ikusi daitezke. Abandoko tren geltokia BBFtik bost minutura dago oinez.

Autousez etortzeko

Bilbora autobusez etorriz gero, ziurrenik Intermodalen (Bilboko autobus geltokian) utziko zaitu. Handik BBFra iristeko aukera ugari dituzu:

• Metroa: Intermodal barruan har dezakezu eta L1 edo L2 hartu (Basaurirantz doazenak) Abandon jaisteko (San Mames/Intermodaletik hiru geraleku).
• Autobusa: Bilbobusak (autobus gorriak) har ditzakezu eta BBFtik gertu jaitsi. Autobus-linea horietako batzuk hauek dira: 77, 76, 72 eta 38.
• Tranbia: tranbia San Mamesen har dezakezu Atxurirako norabidean, eta Abandon jaitsi (7 geraleku).

Hegaldiak

Bilbora iristeko aukerarik errazena Loiuko aireporturako hegaldiak dira, zentrotik 12 km-ra. Aireportutik Moyuara (5 minutu oinez BBFra) edo Intermodal bus geltokira joan zaitezke 3247 linea hartuz (3€ balio du bidaiak). 20 minuturo irteten da aireportutik, eta beste 20 minutu inguru behar ditu Bilbora iristeko.

---

Antolatzaile taldea

• Eneko Anton
• Roberto Arias
• Unai Carmona
• Eneritz Garro
• Ainara Imaz
• Nagore Ipiña
• Amaia Lersundi

---